Labing una nga Lambda COVID-19 variant case, na-record sa Western Visayas — DOH
Ginkumpirmar ni DOH Undersecretary Maria Rosario Vergeire nga naghalin sa Region 6 ang labing una nga Lambda COVID-19 variant patient.
Una na nga ginhambal ni Vergeire nga 35-anyos nga nagabusong ang nagpositibo sa amo nga virus.
Asymptomatic ang amo nga pasyente kag naka-recover na sa balatian matapos ang 10-day isolation.
Ang Lambda variant una nga natukiban sa Peru sang August, 2020 kag madasig nga naglapta sa iban pa nga pungsod pareho sang Chile, Argentina kag Ecuador tubtob naglab-ut sa iban pa nga parte sang kalibutan lakip na ang Pilipinas.
Sa data sang World Health Organization, 29 ka pungsod na ang naka-record sang Lambda variant.
Ang Lambda ginakabig sang WHO nga “variant of interest” bangud ginatun-an pa ang transmissibility ukon kun ano ini kadasig maglaton.
Ginalantaw pa kun ini kasubong sang Delta variant (variant of concern) nga makalaton sa tubtob walo ka mga tawo.May reports nga posible mas resistant ang Lambda sa mga bakuna batok sa COVID-19.