October 7, 2022

Late submission sang mga requirements sang mga LGUs, isa sa mga ginatudlo rason sa pagka-delay sang SRA sang mga health workers — DOH 6

Read Time:1 Minute, 14 Second

ILOILO — Late submission sang mga requirements sang mga local government units (LGUs) ang ginatudlo nga rason sang Deparment of Health 6 kun ngaa nagakadelay ang paghatag sang Special Risk Allowance (SRA) sa mga health workers subong nga COVID-19 pandemic.

Ini ang paathag sang ahensya paagi sa press release nga ila ginpaguwa subong nga adlaw, Agosto 16, nahanungod sa mga isyu parte sa SRA.

Base sa DOH 6, kinahanglanon nga maka-submit sang Memorandum of Agreement (MOA) ang mga LGUs kag health facilities agud ma-facilitate ang ang pag-transfer sang funds kag actual payment.

Base sa Joint Memorandum Circular No. 2 series of 2020 sang Department of Budget and Management kag DOH, makabaton sang SRA ang mga health workers sa pampubliko kag pribado nga mga ospital nga na-assign kag may direct contact sa mga COVID-19 patients.

Ang head sang office ang naga-determine kun sin-o ang makabaton sang SRA base sa listahan nga ila gin-submit sa diin nalakip man ang amount nga mabaton kag kun pila ka adlaw nga nag-duty.

Indi maglapaw sa P5,000 nga SRA kada bulan ang mabaton sang eligible health worker kun naga-report physically apang nagadepende ini sa gihapon sa numero sang adlaw nga nag-duty physically sa mga COVID-19 units sa mga ospital, laboratories, medical kag quarantine facilities.

Ginhimo ini nga lihok sang gobyerno agud mapakita ang pagpasalamat sa mga health workers nga nagapanguna sa pagbato sa COVID-19. — via Aksyon El John Mejia

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Border restrictions sa Capiz, nagapabilin
Next post Indi pagsunod sa health protocols, rason sang pagtaas sang kaso sang COVID-19 sa probinsya — LMP-Iloilo Pres. Trixie Fernandez