Indi pagsunod sa health protocols, rason sang pagtaas sang kaso sang COVID-19 sa probinsya — LMP-Iloilo Pres. Trixie Fernandez
Madamo nga panghangkat ang gina-atubang sang mga mayor agud mapanubo ang kaso sang COVID-19 sa probinsiya.
Wala nagakooperar ang mga residente kabangdanan nga nagataas ang kaso sang COVID-19 sa iban nga kabanwahanan.
Suno kay LMP Iloilo chapter president kag San Enrique mayor Trixie Fernandez ang iban wala nagasugid sang matu-od nga ginabatyag kag ginahulat pa nga maglala ang sitwasyon nga sa sobra nga tago-tago madamo na ang nalatnan sang virus.
Madamo man suno kay Fernandez ang wala nagasunod sa health protocols nga mangakig pa kon sawayon kag ang iban wala pa sang gana nga magpabakuna batok sa COVID-19.
Gin-ako ni Fernandez nga may banwa nga nagasaka panaug ang kaso sang COVID-19.
Ini man ang rason suno sa alkalde nga nag-isyu sang Executive Order Number 320 si Iloilo Governor Arthur Defensor Jr. implementing the zoning containment strategy and barangay quarantine sa mga kritikal nga lugar sa probinsiya. — via Aksyon Firingline