September 26, 2022

Pagpahamtang sang mga barangay control points kag pag-require sang quarantine pass sa Oton, Iloilo, nag-umpisa subong nga adlaw — Oton acting Mayor Vincent Flores

Read Time:1 Minute, 4 Second

OTON, ILOILO – Nag-umpisa na subong nga adlaw, Agosto 18, ang pagpahamtang sang mga control points sa kada barangay sa Oton kag pag-require sa mga residente sang quarantine pass kun magguwa sa ila nga mga panimalay.

Ginkumpirmar ini ni Oton Acting Mayor Vincent Flores kasunod sang ila ginhiwat nga consultation meeting kahapon upod sa mga punong barangays sang banwa. Nakasugtan sa meeting suno kay Flores nga magpahamtang gid sang control points ang 37 ka mga barangay sa Oton kag i-require ang quarantine pass. Pero gin-athag niya nga ID lang ukon certification halin sa ila nga mga amo ang kinahanglan nga i-presentar sang mga nagatrabaho.

Gin-athag man ni Flores nga indi lockdown ang ipatuman sa Oton kundi, ginalimitahan lang ang mga non-essential nga pagguwa sang mga residente agud indi na maglapta pa ang COVID-19. May ipatuman nga curfew suno sa iya nga maga-umpisa las-10 sa gab-i tubtob las-5 sa aga. May Oplan Sita man ang banwa nga magapanaway kag magapapuli sa mga makit-an nga nagatambay.

Nadesisyunan man ila meeting nga indi anay pagpasugtan ang mga ambulant vendors nga pangayaw nga makasulod sa banwa lakip na ang mga nagapanukot nga mga lending companies.

Magalawig ang ini nga pagsulundan tubtob sa Agosto 31.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Indi pagsunod sa health protocols, rason sang pagtaas sang kaso sang COVID-19 sa probinsya — LMP-Iloilo Pres. Trixie Fernandez
Next post Residente sa Alta Village, Jaro, nagreklamo nga ginahimo nga garahe sang mga salakyan sang ‘Regional Director’ ang karsada sa subdivision