58 vendors sa Bangga Bante, Zarraga, nagpositibo sa COVID-19; Mga commercial establishments, ginpasiraduhan
ILOILO — 58 ka mga vendors sa Barangay Bangga Bante, Zarraga ang nagpositibo sa COVID-19. Ini ang ginkumpirmar ni Punong Barangay Nelida Octaviano.
Suno kay Octaviano, may isa ka vendor nga nagpositibo sa COVID-19 rason nga ginpang-swab tanan ang mga vendors sa mga commercial establishments bangud madamo nga naga-inubo.
Ginpahayag ni Octaviano nga gin-ubos swab ang mga vendors bangud nakulbaan ang Rural Health Unit ukon RHU sang banwa nga maglaton-laton pa ang virus.
Nagsugod ini tanan, dugang ni Octaviano sang gin-stroke ang isa ka vendor kag gin-test nagpositibo siya sa COVID-19.Bangud sini, ginsiraduhan ang tanan nga commercial establishments.