October 7, 2022

17 barangays sa Iloilo City, wala pa mahatagan sang cash assistance; City gov’t, ma-request sang extension sang tagtaganay sang ayuda

Read Time:56 Second

May 17 pa ka mga barangay sa Iloilo City ang wala pa makabaton sang special Aid to Individuals in Crisis Situation (AICS) base sa data sang City Social Welfare and Development Office (CSWDO).

Ini amo ang General Hughes sa City Proper; Taft North kag Navais sa Mandurriao; Luna, Bantud, Banuyao, Magdalo, kag Railway sa La Paz; kag Cubay, Democracia, Ma. Christina, Balantang, Our Lady of Lourdes, El 98, Libertad-Sta. Isabel, Semenario, kag Ungka sa Jaro.

Suno kay CSWDO Head Terry Gelogo, naka-schedule naman ang nasambit nga mga barangay antes ang Agosto 26 nga amo naman ang gin-set nga extended deadline sang tagtaganay sang DSWD.

Samtang, ang iban pa nga mga barangay sa Arevalo, Molo, kag La Paz ang naka-initial payout naman dugang pa ni Gelogo.

Ginpaathag niya nga gina-amat-amat lang ang distribution sang ayuda kag ginalimitahan ang kadamuon sang mga ginatagan kada adlaw agud malikawan ang pagdinaguso sa mga distribution venue. Ini bangud ginatawag sang DSWD ang atensyon sang CSWDO kun magginutok ang mga tawo.

Nag-request ang syudad nga i-extend pa gid ang cash distribution tubtob Agosto 31.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Border control checkpoint sa Sta. Barbara, Iloilo, nagsugod na subong nga adlaw
Next post 111 ka kabataan sa Iloilo City, active cases sang COVID-19