Negative RT-PCR test result, isa sa mga requirements sa pag-file sang COC para sa 2022 elections
ILOILO CITY — Kinahanglan magpresentar sang negative nga RT-PCR test result sang mga kandidato ukon ila mga authorized representatives sa pag-file sang Certificate of Candidacy (COC) para sa May 2022 elections.
Paathag ini ni Iloilo City COMELEC Election Assistant II Jonathan Sayno, base man sa Resolution 10717 sang Commission on Elections (COMELEC) nga nagaplastar sang guidelines sa pagpsa sang COC.
Suno kay Sayno dapat nga kumpleto ang mga dokumento sang mga kandidato— kompleto ang pag-fill out sang COC, may documentary stamp, kag dapat nga may Certificate of Nomination and Acceptance (CONA) kun may partido ang kandidato.
October 1 tutob October 8 ang submission sang COC halin las-8 sa aga tubtob las-5 sa hapon suno kay Sayno.
Dapat man nga personal nga isumiter ang COC sa COMELEC office kag indi pag-ipaagi sa email ukon fax.
Tag-duha lang ang escort sang kandidato nga pasugtan kag dapat nga naka-face mask kag naka-face shield.
Pasugtan naman ang pag-cover sang mga taga-media apang kinahanglan nga magpresentar man sila sang negative RT-PCR test kun magsulod sa opisina sang COMELEC suno kay Sayno.