Paggamit sang quarantine pass, ginakonsiderar gid ni City Mayor Jerry Treñas nga ibalik
ILOILO CITY – Ginakonsiderar gid ni Iloilo City Mayor Jerry Treñas nga ibalik ang paggamit sang quarantine pass sa mga barangay sa siyudad.
Ini ang ginpabutyag sang alkalde agud malimitahan ang hulag sang mga residente ilabe pa nga nagadamo ang kaso sang COVID-19.
Suno kay Treñas, “Basi masugod naman kita sang quarantine passes nuh, hatagan ta lang mga duha or tatlo ka adlaw para maka-ubra ang mga barangay naton sang quarantine passes.
”Pero gin-athag sang alkalde nga desisyonan pa niya ini upod ang COVID-19 team sa ila meeting bwas, Agosto 24.
Kun madayon, isa lang ka quarantine pass ang ihatag sa kada balay.
Ginmanduan naman sang alkalde ang mga compliance officers nga bantayan ang mga barangay bangud halos wala na masunod ang minimum health protocols.