BREAKING | Iloilo City, Iloilo province kag Aklan sa Region 6, magapabilin sa MECQ sa Setyembre 1-7, 2021

Magapabilin sa Modified Enhanced Community Quarantine ang status sang Iloilo City, Iloilo Province kag Aklan sa Region 6 halin Setyembre 1 tubtob 7, 2021.

Suno kay Presidential Spokesman Harry Roque, MECQ man ang quarantine classification sa Metro Manila; Apayao, Ilocos Norte, Bulacan kag Bataan sa Region 3; Cavite, Lucena City, Rizal kag Laguna sa Region 4-A; Lapu-Lapu City, Cebu City kag Mandaue City sa Region 7; kag Cagayan de Oro City sa Mindanao.

General Community Quarantine with heightened restrictions naman ang Antique, Bacolod City kag Capiz sa Region 6, upod sa Ilocos Sur, Cagayan, Quezon kag Batangas sa Region 4-A; Naga City; Cebu Province kag Negros Oriental; Zamboanga del Sur, Misamis Oriental, Davao City, Davao del Norte, Davao Occidental, Davao de Oro kag Butuan City.

Samtang General Community Quarantine ang Guimaras kag Negros Occidental sa Region 6, upod sa Baguio City, Santiago City, Quirino, Isabela, Nueva Vizcaya, Tarlac, Puerto Princesa, Zamboanga Sibugay, Zamboanga City, Zamboanga del Norte, Davao Oriental, Davao del Sur, General Santos City, Sultan Kudarat, Sarangani, North Cotabato, South Cotabato, Agusan del Norte, Agusan del Sur, Surigao del Norte, Surigao del Sur, Dinagat Islands kag Cotabato City.

Ang nabilin nga mga lugar ang napaidalum sa Modified GCQ.

Epektibo ang bag-o nga quarantine classification sa Setyembre 1 tubtob 7, 2021.