September 26, 2022

Medical personnel nga gin-hire sang Provincial Gov’t kag gn-assign sa WVMC, nagreklamo nga wala pa maswelduhan; Prov’l goverment, may paathag

Read Time:1 Minute, 21 Second

ILOILO — Nagreklamo ang medical personnel nga gin-hire sang provincial government kag gin-assign sa Western Visayas Medical Center nga wala pa sila maswelduhan sugod nga nagtrabaho sang tunga-tunga sang Hunyo subong nga tuig.

Suno kay Alyas Lyka, halos kada semana nila gina-follow up ang ila sweldo nga isa ka bulan kag tunga bangud wala pa sila sang may nabaton.

Tanan nga requirements suno sa iya, gina-comply man nila para sa tunga-tunga sang Hunyo kag bug-os nga Hulyo pero atrasado gihapon ang ila sweldo.

Nabudlayan sila suno sa iya sa ila sitwasyon bangud wala gid sila sang ipang-allowance kag inugbayad sa ila boarding house gani napilitan sila magpangutang.

Sa pagkahibalo niya, yara na sa accounting office ang ila papeles agud ma-release ang ila sweldo.

PAATHAG SANG ILOILO PROVINCIAL GOVERNMENT

Indi dululongan nga gin-hire sang Iloilo Provincial Government ang contract of service nga healthworkers kag gin-assign sa WVMC gani indi sila dungan nga maswelduhan.

Ini ang pahayag ni Iloilo Provincial Administrator Atty. Suzette Mamon.

Suno kay Mamon, 52 ang contract of service nga ila gin-hire kag gin-assign sa WVMC kag naswelduhan na ang mga gin-hire sang Hunyo.

Gin-athag niya nga na-atrasar sa una nga sweldo bangud kinahanglan pa nga magproseso sang TIN kag dokumento sa BIR para sa ATM card nila agud mahapos lang mabaton ang ila sweldo.

Bangud kumpleto na ang papeles kag may ATM na, mahapos na ang pagbaton nila sa ila masunod nga sweldo.

Ginpasiguro man niya sa mga natungdan nga posible masulod na ang ila sweldo subong nga semana. –via BBB, Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Bag-o ginbun-ag nga triplets sa Tigbauan, ipaidalum sa RT-PCR test bangud sa pagpositibo sang ila iloy sa COVID-19
Next post ‘Nababahala kami’ — DepEd Sec. Leonor Briones sa ginaplano nga limited face-to-face classes