3 ka tuig bata, patay sang nalumos sa Barotac Nuevo, Iloilo

ILOILO – Patay ang tatlo ka tuig nga bata nga babaye sang nahulog sa irigasyon kag nalumos sa Brgy. Lagubang, Barotac Nuevo, las-2 kahapon sang hapon.

Suno kay Jinzel Billezon, lola sang bata, ginhambalan niya ang iya duha ka apo lakip na ang tatlo ka tuig nga si Inday nga maghampang lang anay bangud matig-ang lang siya.

Ginpabutyag ni Jinzel nga sang pag-check niya agud makaon na kuntani, wala na si Inday kag ginpahibalo na lang siya sang mga residente nga nahulog sa irigasyon ang iya nga apo kag nalumos.

Si Jinzel ang naga-atipan sa iya nga apo bangud nagatrabaho sa Manila ang iloy sini samtang nagatrabaho sa fish port ang amay.

Ginabanta sa isa ka oras sang nakita ang bata.

Gindala pa sa ospital ang bata pero gindeklarar nga napatay. — via Aksyon Angel Mae Ciudad