Sangguniang Bayan sang Pavia, ginaduso nga mangin power distribution utility ang MORE Power sa ila banwa

ILOILO — Ginaduso sang Sangguniang bayan sang Pavia nga mangin power distribution utility ang More Electric & Power Corporation sa ila nga banwa.

Sa privilege speech ni Pavia SB Member Dan Fajardo, luyag ma-enjoy sang taga-Pavia ang barato nga balayran sa elektrisidad kag malaka nga brownout kun MORE Power ang distribution utility.

Suno kay Fajardo, P6.00 lang ang kilowatt per hour sang MORE Power samtang masobra sa P10.00 naman sa Iloilo Electric Cooperative ukon ILECO 1.

Dugang niya, halos kada-adlaw nagaluntad ang brownout sa Pavia nga nagaresulta sang pagkaguba sang mga appliances.

Bangud sini, nagpasar sang resolution si SB Member Pyt Trimañez nga nagahingyo nga mag-extend sang serbisyo ang MORE power sa Pavia kag gin-aprobahan naman sang Sangguniang Bayan.