October 7, 2022

2 lalaki sa Pototan nga ginreklamo sang pagpanghimulos, napasakaan na sang kaso

Read Time:55 Second

ILOILO – Preso ang isa sa duha ka mga lalaki nga ginareklamo sang 26-anyos nga babaye nga naghimulos sa iya sa Barangay Tumcon, Ilawod, Pototan, Iloilo sang Setyembre 1 sang gab-i.

Suno kay Police Corporal April Grace Pahilangca sang Pototan Police Station, naga-edad sang 45-anyos kag 60-anyos nga duha ka lalaki nga ginareklamo sang babaye.

Sa panaysayon sang 26-anyos nga babaye nga taga-Dingle, Iloilo, suno kay Pahilangca, nagtambong siya sa birthday party kag nag-inum-inom sila upod man ang iya mga ginareklamo.

Gin-alegar sang babaye nga sang nagkadto siya sa CR, ginsundan siya sang 60-anyos nga lalaki kag didto na natabo ang paghimulos sa iya.

Matapos sini, nagsulod pa gid sa CR ang 45-anyos nga lalaki kag ginhimuslan man siya.

Nakapanugid ang babaye sa iya mga kaupdanan pagkatapos sang natabo.

Suno sa police at-large sa subong ang 45-anyos nga lalaki kag indi na makita sa ila lugar.

Napasaka naman ang kaso batok sa duha ka mga lalaki.

Nagpamalibad ang 60-anyos nga lalaki sa paghatag sang iya statement sa natabo.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Negosyante nga si Rommel Ynion, napatay duha ka adlaw matapos nagpositibo sa COVID-19
Next post Magkal, nakit-an nga nagakabod sa linya sang MORE Power malapit sa CPU Jaro; Lineman sang MORE, ginbuntog pa sang man-ug sang ginhingagaw ini nga kuhaon