September 26, 2022

ILECO 1, nagpaathag nga indi makapanubo sang power rate bangud sang naga-egsister nila nga kontrata sa ila power suppliers

Read Time:1 Minute, 9 Second

ILOILO — Indi makapanubo sang power rate ang ILECO 1 kapareho sa power rate sang MORE Power bangud mataas man ang electricity rate sa ila existing power suppliers.

Ini ang paathag ni ILECO 1 General Manager Mike Paguntalan sa ginpatawag nga committee hearing sang Committee on Transportation and Franchising sang Sangguniang Bayan sang Pavia nga ginapamunuan ni SB Member Pyt Trimañez.

Ginpahayag ni Paguntalan nga tubtob pa sa 2025 ang kontrata nila sa ila power distributors.

Suno kay Paguntalan, apat ang power suppliers sang ILECO 1 nga ginabug-usan sang Green Core (GCGI), PEDC, PCPC kag PPC kag lain-lain ang presyo base sa ila existing contract.Nagrason ang ILECO 1 management nga nakakuha ang MORE Power sang mas barato nga power rate sang nagbulos sa PECO.

Sa nasambit nga committee hearing, nagpasalig si Paguntalan nga i-improve ang ila serbisyo.

Una diri, nag-privilege speech si SB Member Dan Fajardo sang tinalikdan nga sinemana nga nagaplastar sang sentimento nga iya nakuha sa mga pumuluyo nga panubuan ang electric rate sang ILECO 1.

Kasunod sang privilege speech ni Fajardo, ginduso ni SB Trimañez ang resolution nga nagapangayo sang bulig kay 2nd District Congressman Mike Gorriceta nga kun pwede maka-lobby nga mapaidalum ang banwa sa franchise area sang MORE Power bangud mas manubo ang ila power rate.

Ginsuportahan sang iban pa nga miembro sang Sangguniang Bayan ang resolution. — via Aksyon Mario Gelongo

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post P981,000, nabilin nga pondo sa Special AICS sa Iloilo City nga wala pa ma-release
Next post Power rate sang ILECO 1, may posibilidad nga magnubo kun makakuha sang supply sa PSALM nga ginakuhaan man sang supply sang MORE Power — Pavia SB Member Pyt Trimañez