October 7, 2022

MORE Power, bukas sa panawagan sang Sangguniang Bayan sang Pavia nga ilakip ang ila banwa sa franchise area sang MORE

Read Time:1 Minute, 6 Second

ILOILO CITY — Bukas ang MORE Electric and Power Corporation sa panawagan sang Sangguniang Bayan sang Pavia nga ilakip man ang ila nga banwa sa franchise area sang MORE bangud sang manubo nga sukot sa kuryente kag maayo nga serbisyo.

Ginkumpirmar ini ni MORE Power Pres. Roel Castro. Suno kay Castro, handa man sila nga ipakigbahin sa iban nga banwa ang serbisyo nga ila ginahatag sa siyudad sang Iloilo kun makapaayo man lang ini sa mga konsumedor.

Ginphayag niya nga pwede man nila nga madala sa Pavia ang manubo nga sukot sa kuryente nga ila ginapatuman sa Iloilo City.

Sa subong yara sa P6.50 tubtob P7.00 ang ila sukot sa kada kilowatt hour. Apang bangud sang naguba nga NGCP line, nagalab-ot ang sukot subong sa P9.00 kada kilowatt hour.

Pero ginpaathag ni Castro nga temporaryo lang ini. Dugang niya nagpaninguha gid ang MORE Power nga makakita sang supplier nga may barato nga presyo bangud isa ini sa ila ginpasalig sang pag-apply nila sang franchise sa Kongreso.

Sa pihak sini, ginpahayag ni Castro nga hulaton gihapon nila ang mangin desisyon sang Kongreso sa hingyo sang Sangguniang Bayan sang Pavia.

Ginatun-an pa man ini sang legal team sang MORE bangud Iloilo City lang ang sakop sang ila prangkisa dugang pa ni Castro. — via Aksyon Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Power rate sang ILECO 1, may posibilidad nga magnubo kun makakuha sang supply sa PSALM nga ginakuhaan man sang supply sang MORE Power — Pavia SB Member Pyt Trimañez
Next post 34 ka indibidwal sa Western Visayas, nakabatyag sang serious advserse effect matapos nabakunahan sang COVID-19 vaccines — DOH 6