Bingawan police, may identity na sa 2 suspects sa pagpatay sa 16-anyos nga solterito nga nasapwan sa kilid sang karsada; Isa sa mga suspects, menor-de-edad

BINGAWAN, Iloilo — May identity na sa duha ka mga suspek ang Bingawan police sa nagpatay sa 16-anyos nga solterito sa Barangay Alabidhan, Bingawan, Iloilo sang Setyembre 9.

Suno kay PLT Martin Pugales, hepe sang Bingawan Police Station, nakahatag sang bulig sa ila imbestigasyon ang tsinelas nga nabilin sa natabuan sang krimen kag ang statement sang witness.

Ang duha ka suspetsado ang naga-edad sang 10 ka tuig nga lalaki kag 19-anyos nga lalaki.

Una nga ginreklamo sang 13-anyos nga dalagita ang 16-anyos nga biktima. Sa imbestigasyon sang Bingawan police, suspek ang 19-anyos nga magulang sang dalagita kag menor-de-edad niya nga pakaisa.

May gintudlo nga lugar nga gintineran sang mga suspek pero sang ginkadtuan sang kapulisan, wala na ang mga ini. Pagtimalos ang ginalantaw nga motibo sang Bingawan Police.

Posible, suno kay Pugales natalana na nga i-file ang kaso nga murder sa mga suspek.