Portion sang 17 ka barangay sa Iloilo City, ipaidalum sa granular lockdown sa sulod sang 72-oras
ILOILO CITY – Ipaidalum sa granular lockdown ang portion sang 17 ka barangays sa Iloilo City sugod las-6 karon sa gab-i, Setyembre 12 tubtob las-5:59 sang hapon sa Setyembre 15.
Base sa Executive Order No. 95 ni Mayor Jerry Treñas, lakip sa barangay nga apektado ang North Baluarte, San Pedro, Boulevard sa Molo; Dulonan sa Arevalo; San Vicente, Sambag, Benedicto, MV Hechanova, Balabago, Tacas, Bitoon, Cubay, Balantang sa Jaro; Calahunan sa Mandurriao; Tabuc Suba sa La Paz; Villa Anita kag Tanza Baybay sa City Proper.
May duha ka kaso sang COVID-19 kag nagadugang pa ang portion sang nasambit nga barangay.
Ginmanduan ang City Health Office nga mag-conduct sang mandatory RT-PCR testing sa mga gin-tag nga high kag moderate contacts sang COVID-19 cases.