‘Wala pa kita desisyon’ –Gov. Arthur Defensor Jr. kun sin-o ang iya mangin runningmate sa 2022 election
ILOILO – Ginsulit ni Gov. Arthur Defensor Jr. nga wala pa siya nakadesisyon kun sin-o ang iya mangin runningmate sa iya pagpa-reelect sa 2022 election.
“Wala pa kita sina sang desisyon. Pero sini nga mga inadlaw, ma-develop na ina. Kay ti dali na man lang ang filing [sang certificate of candidacy],” suno sa gobernador sa interview sang Aksyon Radyo Iloilo.
Una na ginbuyagyag ni Gov. Defensor sa iya press conference kahapon, Setyembre 17, nga may duha ka personalidad nga nagpabutyag sang interes nga mangin runningmate niya pero wala na siya naghatag sang dugang nga detalye.
Ginpabutyag man ni Defensor nga madamo nga mayors na ang nagpasalig nga masuporta sa iya bisan ano pa ang ila nga partido. –via Aksyon Hotline