October 7, 2022

LMP Iloilo President, San Enrique Mayor Trixie Fernandez, nagapang-alang-alang pa sa pag-implementar sang limited face-to-face classes

Read Time:58 Second

ILOILO “I believe we are not ready to do this. This is too risky.”

Ini ang pahayag ni League of Municipalities of the Philippines Iloilo Chapter President, San Enrique Mayor Trixie Fernandez sa pag-aprubar sang pilot implementation sang limited face-to-face classes.

Suno kay Fernandez, matuod nga nagkonsulta ang taga-Department of Education sa mga local government units may kaangtanan sa pagbalik sang face-to-face classes, pero ginhimo ini sang nagligad pa nga tuig. “Daw wala ako nakadumdom nga nagsolisitar sila [DepEd] sang aton posisyon regarding sa face-to-face classes this year.”

Ginpahayag sang alkalde nga lain ang sitwasyon sang nagligad nga tuig kun ikumparar subong nga may na-record na nga lain-lain nga variants, lakip ang mas makalalaton nga Delta variant, sang COVID-19 sa probinsya.

Nagapati si Fernandez nga delikado pa ang pagbalik sang mga kabataan nga estudyante sa classrooms bangud indi pa sila bakunado. Bisan low risk ang mga bata suno sa alkalde, pero posible nga mangin carrier sila sang virus nga ila madala pauli sa ila ginikanan, lola ukon lolo.

“I hope they [DepEd] will reconsider this situation,” suno kay Fernandez. – via Aksyon Hotline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Libre Sakay program sang gobyerno, bukas na sa tanan nga APORs; Kapasidad, limitahan sa 50% — Vallacar Transit Admin Manager
Next post LMP Iloilo President, San Enrique Mayor Trixie Fernandez, nagalaum nga i-reconsider sang DepEd ang pag-implementar sang limited face-to-face classes