September 26, 2022

Request ni Iloilo City Mayor Jerry Treñas nga extension sa voter registration, ginalauman nga madesisyunan gilayon sang Comelec En Banc

Read Time:46 Second

ILOILO CITY – Napadala na sa Commission on Elections En Banc ang request ni Iloilo City Mayor Jerry Treñas nga i-extend ang voter registration bangud makapila ka beses ini nga nauntat sang ginpaidalum ang syudad sa ECQ kag MECQ.

Suno kay Mr. Jonathan Sayno, Election Assistant II sang City Comelec, ang Comelec En Banc ang nagahimo sang desisyon sa request kapareho sang hingyo ni Mayor Treñas.

“Ang akon paglantaw, indi na pwede nga selected lang nga mga lugar ang ma-extend… ang En Banc ang maga-decide kay kun inkaso may extension [sang voter registration], bilog nga Pilipinas na lang ang pasugtan nga may extension,” suno kay Sayno.

Madasig man lang magdesisyon ang En Banc suno kay Sayno.

Ginpanan-aw ni Sayno nga magalab-ut sa 320,000 ang maparehistro sa syudad tubtob sa Setyembre 30 nga amo ang katapusan nga adlaw sang registration kun indi gid man ma-extend. –via Aksyon Hotline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post LMP Iloilo President, San Enrique Mayor Trixie Fernandez, nagalaum nga i-reconsider sang DepEd ang pag-implementar sang limited face-to-face classes
Next post LMP Iloilo Chapter President, San Enrique Mayor Trixie Fernandez sa DepEd: Dapat may discussion kita [sa pagpatuman sang face-to-face classes]