November 30, 2021

Cong. Mike Gorriceta kag Cong. Braeden John Biron, nag-file sang House Bill agud i-amend ang franchise coverage sang MORE Power kag ilakip ang 2nd kag 4th District of Iloilo

Read Time:57 Second

Ginkumpirmar ni Second District of Iloilo Cong. Mike Gorriceta nga nag-file sila ni Fourth District of Iloilo Cong. Braeden John Biron sang House Bill 10271 nga nagatuyo mag-amend sa franchise coverage sang More Power kag malakip diri ang kabanwahanan nga sakop sang second kag fourth district sang Iloilo.

Kasunod ini sang panawagan sang pila ka mga kabanwahan sa Segundo distrito nga ipaidalum sila sa More Power bangud sa ginpahayag indi maayo nga serbisyo kag mahal nga sukot sa kuryente sang Ileco 1.

Ginpahayag ni Gorriceta nga nahibaluan niya nga nagadihon man sang house bill si Biron kabangdanan nga gin-isa na lang nila ini kag ginpa-line up sa House Committee on Legislative Franchises antes ang ila nga break sa Kongreso.

Ginpaathag niya nga indi buot silingon sini nga madayon na ang panawagan sang mga kabanwahan apang ini lang suno sa iya ang pamaagi agud mapamatian sang husto ang magtimbang nga bahin kag mahibaluan kun pwede nga mapahanugutan ang ila ginahingyo.

Dugang pa ni Gorriceta, duha man lang ang tinutuyo sang mga konsumedor. Ini ang maayo nga serbisyo kag ang manubo na sukot sa elektrisidad. — via Aksyon Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Patay nga lapsag, nakita sang mga residente sa idalum sang pamalay sa Nabitasan, La Paz
Next post Electric rate sang ILECO 3, may pagnubo sa Oktubre — Corporate Planning Chief Engr. Elna Fuentes