September 26, 2022

Electric rate sang ILECO 3, may pagnubo sa Oktubre — Corporate Planning Chief Engr. Elna Fuentes

Read Time:1 Minute, 6 Second

ILOILO – May pagnubo sa electric rate sang Iloilo Electric Cooperative (ILECO) 3 sa Oktubre. Ini kasunod sang mandu sang Energy Regulatory Commission (ERC) nga i-refund ang nakolekta nga line rental sa mga konsumedor kag untaton na ang pagsukot sini.

Suno kay Engr. Elna Fuentes, corporate planning chief sang ILECO 3, gilayon nila nga ipatuman ang mandu sang ERC kun mahatag na sang Philippine Electricity Spot Market Corporation (PEMC) ang computation sang amount nga i-refund.

“Si ILECO 3, maka-implement sang rate reduction effective, October nga billing period,” suno kay Fuentes bangud monthly sila nga nagabaton sang bill halin sa PEMC.

Sa Oktubre man i-refund ang nakolekta nila nga line rental. Subong nga Setyembre, nagapanukot ang ILECO 3 sang P11.6 kilowatt-hour sa mga residential consumers.

Sa ila initial computation kun ma-implement na ang refund kag pag-untat sa collection sang congestion charges, mabuhinan ang rate nila sang P1.28 kilowatt-hour gani maganubo sa P9.85 kilowatt-hour ang rate sang kuryente sang ILECO 3.

Pero nagahulat sila gihapon sang computation halin sa PEMC nga amo ang ila basehan. Ang refund sa line rental nga nakolekta sa mga konsumedor para sa Agosto kag Setyembre nga billing, ibuhin sa ila masunod nga electric bill para sa masunod nga duha ka bulan – Oktubre kag Nobyembre. — via Aksyon Firingline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Cong. Mike Gorriceta kag Cong. Braeden John Biron, nag-file sang House Bill agud i-amend ang franchise coverage sang MORE Power kag ilakip ang 2nd kag 4th District of Iloilo
Next post Daan nga tsinelas, ginhimo nga pulungkuan sang Ilonggo Bike Commuter bangud sang naguba niya nga bike seat