‘Did anybody fight in the same position? No!’ –AAMBIS OWA Partylist Rep. Sharon Garin sa pulitika sang ila pamilya
ILOILO – Wala nakaagi nga nag-away ang pamilya Garin bangud nga mapadalagan sa pareho nga posisyon sa pulitika.
Isa ini sa mga legacy ni Guimbal Mayor Oscar Garin, suno kay AAMBIS OWA Partylist Rep. Sharon Garin kasunod sang pagtaliwan sang ila amay.
Suno sa kongresista, ang ila amay ang may “last say” sa pulitika kag nagapati siya nga ini gihapon ang matabu sa pagbulos sang iya magulang nga si former Cong. Richard Garin bilang patriarch sang ila pamilya. “Did anybody fight in the same position? No! pero if ever, then we will decide on it as a family.”
Ginpabutyag ni Congresswoman Garin nga may away man sila nga mag-ulutod, “but we don’t broadcast our problems in public.”
Pero gin-athag ni Garin nga ang ila away, indi bangud nga may mapadalagan sa pareho nga posisyon kundi may kaangtanan sa kun paano mamulitika.
Napatay si Mayor Garin kahapon sang hapon, Setyembre 26, sa edad nga 80, matapos ang pila ka adlaw nga pagka-ospital. Nagpositibo man siya sa COVID-19, suno kay Congresswoman Garin.
Si Mayor Garin ang amay nanday former Cong. Richard Garin, Guimbal Vice Mayor Jennifer Garin Colada, Congresswoman Sharon Garin kag Vice Gov. Christine Garin. –via Aksyon Hotline