September 26, 2022

House Committee hearing sa hagna nga maga-expand sang franchise area sang MORE Power, magasugod na

Read Time:59 Second

ILOILO – Masugod subong nga adlaw, Setyembre 28, ang committee hearing sang House Committee on Legislative Franchises sa House Bill No. 10271 nga nagatuyo sa pag-amend sang franchise sang MORE Power kag pag-expand sang franchise area sa 2nd kag 4th districts sang Iloilo.

Ginkumpirmar ini ni 2nd District of Iloilo Rep. Michael Gorriceta nga author sang House Bill. Co-author si 4th District Rep. Braeden John Biron.

Nag-ugat ang tikang sang mga kongresista sang nagpasar ang Sangguniang Bayan sang Pavia sang resolution nga nagahingyo kay Cong. Gorriceta nga i-lobby sa Kamara ang pag-extend sang franchise area sang MORE sa banwa. Kasunod ini sang mga reklamo batuk sa serbisyo kag mahal nga electricity rate sang ILECO 1.

Nag-upod sa sentimento sang Sangguniang Bayan sang Pavia ang Leganes, Zarraga kag Sta. Barbara.

Gin-ako ni Gorriceta nga indi mahapos ang proseso gani ginsuguran na nila ni Cong. Biron.

Pananglitan nga makapasar ang House Bill sa Kamara, kinahanglan may kapareho nga bill sa Senado, suno kay Gorriceta.

Kun indi naman mahingagaw nga mapasar ang hagna sa subong nga 18th Congress kag padayunon sa 19th Congress, masugod naman sa puno ang tanan. –via Aksyon Hotline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Unpaid claims sang 7 hospitals sa Iloilo City sa PhilHealth, masobra na P500-million
Next post Mga pribado nga ospital sa Iloilo City, nagapanghakroy bangud sa tunga sa bilyon ka pesos nga unpaid claims nil sa PhilHealth