Lalaki nga nagatabok sa karsada, patay sang nabungguan sang truck sa Guimbal

ILOILO — Patay ang 53-anyos nga lalaki matapos nabungguan sang elf truck samtang nagatabok sa karsada sang Brgy. Cabubugan, Guimbal las-2:25 kahapon sang hapon.

Ginkilala ang biktima kay Crisanto Soberano, residente sang Veterans Village, City proper, Iloilo City.

Suno kay Police Master Sergeant Joey Lauron, traffic investigator sang Guimbal police station, nagatabok sa karsada si Soberano sang nabungguan sang elf truck nga ginamaneho ni Ricardo Sumagaysay Jr. 58-anyos sang Brgy. Damires, New lucena.

Gindala pa si Soberano sa Guimbal district hospital pero gindeklarar nga dead-on-arrival bangud sang pilas sa ulo kag lawas.Gin-custody naman sang Guimbal police ang driver sang truck. — via Aksyon Dave Bucayan