September 26, 2022

Mga pribado nga ospital sa Iloilo City, nagapanghakroy bangud sa tunga sa bilyon ka pesos nga unpaid claims nil sa PhilHealth

Read Time:1 Minute, 45 Second

ILOILO CITY – Nagapanghakroy na ang mga pribado nga ospital sa Iloilo City bangud sa masobra tunga sa bilyon ka pesos ang unpaid claims nga wala gihapon mabayaran sang PhilHealth.

Ini base sa sulat nga ginpadala sang heads sang mga pribado nga ospital sa siyudad kay Health Secretary Francisco Duque III agud matawag ang iya atensyon.

Pirmado ang sulat sang heads sang Iloilo Doctor’s Hospital, Iloilo Mission Hospital, Medicus Medical Center, Metro Iloilo Hospital and Medical Center Incorporated, St. Paul’s Hospital of Iloilo, The Medical City Iloilo kag Qualimed Hospital, Iloilo.

Sa ila sulat kay Duque, “We would like to express our concern as well as call your attention regarding the long overdue non-payment of our claims with the Philippine Health Insurance Corporation (PHIC or PhilHealth) that has reached a staggering amount of P545,094,532.45 more or less as of August 31, 2021.”

Nagasakop na ini sang non-COVID claims, pero bulko ang mga COVID-19 claims.

Apektado na ang ila operasyon kag financial viability bilang health care providers ilabe pa subong nga may pandemya bangud wala gihapon makabayad ang PhilHealth sa ila claims.

“The hospitals cannot continue to operate with their depleted financial resources caused by the non-payment of claims by Philhealth,” suno pa sa sulat.

Ginakahangaw-an nila nga magsarurot ang healthcare system sang Iloilo City kun magapadayon ang sitwasyon kag indi sila mabayaran sang Philhealth. Padayon ang ila pag-operate pero halos ubos na ang ila financial resources.

Bangud sini, nag-demand sila sa ila sulat nga dapat bayaran ang mga balayran sa ila sa katapusan sang Oktubre 2021 ukon immediate suspension sang mga polisa para sa No co-payment kag No-balance billing.

Nagpaandam ang pito ka private hospitals sa siyudad nga indi na pag-i-renew ang ila accreditation sa PhilHealth kun indi mabayaran sang ahensya ang ila unpaid claims.

Gin-athag man nila nga mabaton gihapon sila sang mga pasyente, pero indi na ang ospital ang magaproseso sa collection kag reimbursement sa PhilHealth kundi ang mga pasyente na. Maga-charge man sila sang co-payment kag balance billing.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post House Committee hearing sa hagna nga maga-expand sang franchise area sang MORE Power, magasugod na
Next post Lalaki nga nagatabok sa karsada, patay sang nabungguan sang truck sa Guimbal