‘Wala take-over…. ang ILECO ‘ya, sige man’ – Cong. Michael Gorriceta pananglitan mapasugtan ang pag-expand sang franchise area sang MORE Power
ILOILO – Wala nabutang sa House Bill 10271 nga i-take over sang MORE Power ang distribution utilities sa probinsya sang Iloilo.
Gin-athag ini ni 2nd District of Iloilo Rep. Michael Gorriceta matapos gin-aprubahan kahapon, Setyembre 28, sang House Committee on Legislative Franchises ang house bill nga nagatuyo sa pag-amendar sang franchise sang MORE power agud ma-expand ang ila franchise area sa 2nd kag 4th districts sang probinsya.
Suno kay Cong. Gorriceta, kun ma-aprubahan gid man sa Kongreso ang house bill, magasige gihapon ang operasyon sang ILECO.
“Wala nakabutang ang take-over sa amon nga house bill. Ang amon lang nga gintandog is the expansion of the existing na nga house bill… Ang ILECO ‘ya, sige man na sila if ever ma-grant ni,” suno kay Gorriceta.
May namitlang, suno kay Gorriceta si Iloilo City Rep. Julienne Baronda nga may duha ka distribution utilities sa Luzon nga naga-coexist man.
Gin-sponsor ni 4th District Rep. Braeden John Biron ang house bill. Ginsuportahan ini ni Cong. Gorriceta kasunod sang mga reklamo nga nabaton niya batuk sa serbisyo sang ILECO 1 kag mahal nga power rate.
Una na gin-athag ni Gorriceta nga malawig nga proseso ang pag-aprubar sang amendment. Matapos aprubahan sa House committee level, talakayon na ini sa plenary sa Kamara, suno sa kongresista, kag madiretso pa sa Senado. –via Aksyon Hotline