Iloilo City Councilor Lyndon Acap, ma-file sang COC sa pagka-konsehal bisan wala siya nalakip sa linyada ni Mayor Jerry Treñas
ILOILO CITY – Mapadalagan gihapon sa pagka-konsehal sa syudad sa 2022 election si incumbent Councilor Lyndon Acap bisan wala siya nalakip sa initial line-up nga ginpagguwa sang grupo ni Mayor Jerry Treñas.
Suno kay Acap, gapangita sila nanday Councilors Candice Tupas kag Mandrie Malabor sang grupo nga updan matapos nga wala nalakip sa linyada ni Treñas.
May mga grupo naman nga nagapakig-angut sa iya, suno kay Acap.
“Willing man ko magpadalagan nga independent kun makita ko nga indi man sinsero ang mga offer,” suno sa konsehal.
Pero si Mayor Treñas gihapon ang iya suportahan, suno kay Acap.
Ma-file si Acap sang iya kandidatura sa Oktubre 4, 2021. –via Aksyon Hotline