December 3, 2021

‘Mga yara na sa 60%’ –Posibilidad nga pagpadalagan ni Former Iloilo City Mayor Joe Espinosa III sa pagka-congressman suno kay Councilor Lyndon Acap

Read Time:55 Second

ILOILO CITY – Dako ang posibilidad nga mapadalagan si former Iloilo City Mayor Joe Espinosa III nga magpadalagan sa pagka-Congressman sa 2022 elections.

Suno ini kay Councilor Lyndon Acap matapos ginkumpirmar nga gintawgan siya sang staff sang anay alkalde agud mag-istorya sa iya plano sa pulitika.

“Nakita ko nga daw desisyon niya [former Mayor Joe Espinosa III] gid [nga magpadalagan sa pagka-Congressman]… mga yara na sa 60%,” suno kay Acap.

Gin-athag naman sang konsehal nga wala siya sang personal nga problema kay incumbent Congresswoman Julienne “JamJam” Baronda, “but nakita ko man nga basi may ara pa gid ta nga congressman nga mahatag sa syudad sang Iloilo nga maga-perform pa gid sang maayo.”

Gin-ako sang konsehal nga isa sa mga indi niya nauyunan ang pagpasilabot ni Baronda sa pagduso sang house bill nga maga-expand sang franchise area sang MORE Power sa probinsya.

“Ako ya gapangita sang better performing congressman. Sa personal ko [nga opinion], si Atty. Joe [Espinosa] isa ka abogado kag medyo mapabugal ta guro sa Kongreso,” ang dugang pa ni Councilor Acap. – via Aksyon Hotline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Iloilo City Councilor Lyndon Acap, ma-file sang COC sa pagka-konsehal bisan wala siya nalakip sa linyada ni Mayor Jerry Treñas
Next post ILECO III employees, naghiwat sang ‘black protest’ agud pamatukan ang house bills nga maga-amendar sa franchise sang MORE Power agud maka-expand sila sa probinsya sang Iloilo