Dismissed police officer Charlie Sustento, mabunggo kay former Cong. Ferj Biron sa pagka-kongresista sa Quarto Distrito sang Iloilo
ILOILO – Mabunggo si dismissed police officer Charlie Sustento kay former 4th district of Iloilo Congressman Ferj Biron sa pagka-Kongresista sa 2022 elections.
Suno kay Sustento, “Ang gusto naton nga matabo is that nga [ma]padalagan kita, not only nga may misunderstanding kami with former Congressman Ferj Biron. But I decided to run as Congressman in the fourth district, it’s because sa mga panawagan man sang mga pumuluyo sa Kwarto distrito.”
Sa subong suno kay Sustento, padayon ang iya pagpakig-istorya sa mga lideres kag dalagku nga grupo halin sa nagkalain-lain nga banwa sa Quarto Distrito agud ma-consolidate ang iya linyada.
Isa man suno kay Sustento sa nagtulod sa iya nga magpadalagan bangud gindingot sang mga Biron sa ila distrito ang pag-umwad sa sulod sang kapin duha ka dekada na nila nga nagapungko sa pwesto kag nagakinahanglan ini sang transpormasyon.
Sa una nga adlaw sang filing sang certificate of candidacy kahapon, Oktubre 1, nag-file si Biron sang iya kandidatura.
Wala pa maka-file sang kandidatura si Sustento.
“We run not only for grudges, but we run by principle. May prinsipyo ang aton mga kandidato sa amon nga grupo,” suno kay Sustento.
Nagpangabay siya sa mga pumuluyo nga hatagan sila sang tatlo ka tuig nga magserbisyo kag kun makita nga wala sang pag-umwad sa ila distrito, handa gid suno kay Sustento ang ila grupo nga magpaiway para sa mga Biron. – via Aksyon Hotline