‘I will not be filing [my COC today] but…’ –former Councilor Plaridel Nava sa iya plano sa 2022 elections

ILOILO CITY – Indi pa maka-file sang iya certificate of candidacy sa pagka-konsehal sa syudad si former Councilor Plaridel Nava.

Ini bisan subong nga adlaw, Oktubre 8, ang deadline sang Comelec sa COC filing.

Paathag ni Nava, “wala ko makuha ang akon withdrawal nga documents sa akon pag-apply sang migration abroad.”

Ang matabu suno sa anay konsehal, si Kayser Jadulos ang ma-file sang COC gamit ang Certificate of Nomination and Acceptance sang PROMDI nga partido sa diin miembro si Nava.

“Kun within November 15, before matapos ang substitution, if I have secured already my documents nga na-withdraw na kag na-clear na ako, then I will substitute Kayser Jadulos,” suno kay Nava.

Kun madayon suno sa anay konsehal, tatlo sila nanday Mr. Jun Capulot kag former Councilor Joshua Alim ang maga-updanay sa pagpangampanya. –via Aksyon Hotline