7 ka tuig nga bata sang negosyante nga si Hamza Kayani, yara na sa kustodiya sang iya biological mother — CSWDO

ILOILO CITY – Yara na sa kustodiya sang matuod nga iloy ang pito ka tuig nga bata nga babaye, sang negosyante nga si Hamza Pechon Kayani nga ginpatay sa Fort San Pedro sa City Proper sang Oktubre 9 sang gab-i.

Suno kay Mary Grace Centino sang City Social Welfare and Development Office (CSWDO)- Molo, nagdangup sa ila si Alyas Princess, ang matuod nga iloy agud ma-rescue ang iya bata.Ginkuha ang bata sa Barangay San Juan, Molo sa diin ginabantayan sang 13-anyos nga dalagita nga gin-report partner ni Kayani.

Nagdaku ang bata sa pamilya ni Kayani.

Sang damlag lang nakuha ni Princess ang kustodiya sang bata pero liwat ini nga ginkuha sang iloy ni Kayani sang Oktubre 11.

Nahibaluan ni Princess nga yara ang bata sa dalagita nga partner ni Kayani sa Molo gani nagpangayu siya sang bulig sa CSWDO agud ma-rescue ini.