November 27, 2021

Barangay treasurer nga ginpatay sang riding-in-tandem sa San Jose, Antique, wala sang malain nga record sa ila lugar ; Kapulisan, ginapadalman pa ang imbestigasyon

Read Time:57 Second

ANTIQUE – Ginapadalman sang San Jose police sa Antique ang imbestigasyon sa pagpatay sa barangay treasurer sa guwa sang old capitol building sa San Jose Antique kahapon, Oktubre 14.

Ginkilala ang napatay kay Jose Servano Jr., sang Brgy. Del Pilar, Hamtic, Antique.Suno kay Police Lieutenant Brian Alejo sang San Jose Police Station, mabuot kag wala sang kontra si Servano sa ila lugar, base man sa panuaron sang ila kapitan nga si Adrian Macuja.

Nagpadulong si Servano upod si Macuja sa San Jose agud mag-withdraw kuntani sang kwarta para sa honararium sang ila barangay officials sang gintuparan sang riding-in-tandem kag gintiro ang biktima.

May isa ka igu sa likod kag naglapus ang bala sa dughan sang biktima kag dead-on-arrival sa ospital.

Wala man sang malain nga record si Servano sa ila lugar, sandig sa impormasyon nga nakuha sang San Jose police sa Hamtic police.

Gin-ako ni Alejo nga wala pa sila sang identity sang riding-in-tandem nga suspect sa krimen kag ginalantaw nila ang tanan nga anggulo. May nakuha man nga footage sang CCTV camera ang kapulisan nga ila gamiton sa imbestigasyon.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post ‘Nagtinguha man nga makabulig sa ginikanan niya, kaso amo na naabtan niya’ – Camalongo, Calinog Punong Barangay Alex Hortada sa iya residente nga si CAA member Dwight Misinas nga gintiro patay sang ginapatihan NPA members
Next post Boracay Island, gina-abe abe ang ‘all ages’ nga halin sa GCQ, MGCQ kag NCR Alert Level 3