November 27, 2021

‘Gin-obra niya gid ang iya trabaho bilang police officer’ –PRO 6 spox kay PSSg Alvin Agting nga napatay sang natiruhan sang lalaki nga ginpahayag may nervous breakdown sang nagresponder siya sa shooting incident sa Bugasong, Antique

Read Time:1 Minute, 21 Second

CAMP DELGADO, Iloilo City – Ginakilala sang Police Regional Office 6 ang kaisog ni PSSg Alvin Agting nga napatay sang natiruhan sang nagresponder sa shooting incident sa Brgy. Cubay South, Bugasong, Antique kahapon, Oktubre 15.

Suno kay PRO 6 Spokesperson PLTCOL Arnel Solis, pasidunggan sang PNP si Agting bangud wala nahadlok sa pagresponder bisan nahibaluan niya kag sang iya mga kaupod nga pulis nga delikado ang ila kadtuan.

“Pagataan ina siya sang award or medal dahil ang iya pagkamatay is during police operation. Gin-obra niya gid ang iya trabaho bilang police officer. Unfortunately, amo lang na, indi maayo ang natabu sa iya kay natiruhan ini siya. The PNP is very honored sa iya. It’s because, despite nahibaluan nila nga may ara danger sa pagresponde nila, wala sila nagkahadlok para aksyonan ang ini nga report,” suno kay PLTCOL Solis.

BACKGROUND

Una na nga gintiro ni alyas Roy si Cubay South Barangay Kagawad Efren Florendo antes siya nagkadto sa balay sang iya utod nga si Ray-Ray.

Gina-negosyar sang iya utod si Roy nga mag-surrender sa mga pulis nga nagresponder. Nagatindog naman sa guwa sang balay si PSSg Agting.

Ginpahayag nga nakaguwa lang ang duha ka magulang sa balay sang gintiro ni Roy si PSSg Agting.

Ginpalusot ni Roy ang sumpak sa bintana sang balay kag gintiro si Agting nga na-igo sa ulo nga gintunaan sang iya kamatayon.

Bangud sini, gintiro man sang iban pa nga nagresponder nga mga pulis si Roy nga gintunaan man sang iya kamatayon.

Si Roy ang nagasuprer sang nervous breakdown suno sa iya magulang nga si Bing-Bing. –via Aksyon Hotline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Transport group CLIAJODA, mangayo pa sang panindugan sang LTFRB 6sa pagpahanugot ni Iloilo City Mayor Jerry Treñas sang 100% capacity sa public transportation
Next post Lalaki nga gin-report nga missing ang duha ka adlaw, patay na sang nakit-an nga naga-utaw utaw sa dagat