October 7, 2022

Iloilo City Councilor Romel Duron, nag-ako nga wala sang resolution ang City Council may kaangtanan sa pagdonar sang syudad sang ginbakal nga mga COVID-19 vaccines sa iban nga LGUs

Read Time:1 Minute, 23 Second

ILOILO CITY – Wala sang resolution ang City Council nga naga-otorisar kay Mayor Jerry Treñas nga magdonar sang ginbakal sang City Government nga COVID-19 vaccines sa iban nga local government units.

Gin-ako ini ni Councilor Romel Duron. Suno sa konsehal, ang ginpasar lang nila sadto nga resolutions amo ang pag-otorisar kay Mayor Treñas nga magsulod sa agreement agud makabakal sang mga bakuna.

“Wala nabutang sa pag-purchase sang AstraZeneca [vaccines] nga part of it will be donated sa other local government units. Amon ‘ya gin-otorisar ang pag-purchase lang. Basi i-submit man na ni mayor kun may time siya,” suno kay Duron.

Paathag pa ni Duron, “Ang donation, in normal times, may resolution authorizing the mayor kun mag-donate siya sa banwa-banwa. But because of the emergency, maybe naga-istoryahanay sila sang mga mayors… I’m not really familiar kun paano ang pag-allocate sa mga banwa nga ginadonaran.”

Dugang nga paathag ni Duron, nabutang sa Local Government Code nga, “ining acquisition or disposition of property should be with authority of the Sangguniang by means of a resolution.” Kun masumiter suno sa iya sa Konseho, pwede man nila nga ini ma-ratify.

Sa data nga nakuha sang Aksyon Radyo Iloilo, ginabanta sa 630,000 doses pa sang COVID-19 vaccines nga ginbakal sang syudad ang wala pa ma-deliver. Base naman sa record sang City Government, 53 porsyento na sang populasyon sa syudad ang nakakumpleto sang ila COVID-19 vaccine. Ginasuhestyun sang mga health experts halin sa World Health Organization nga bakunahan ang 70% sang populasyon agud malab-ut ang herd immunity batuk sa COVID-19. –via Aksyon Hotline

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %
Previous post Nobyo sang 17-anyos nga dalagita nga tul-an na lang sang nasapwan sa Buenavista, Guimaras, nag-ako nga siya ang nakapatay sa biktima
Next post Pulis nga driver sang motorsiklo, patay sang naaksidente sa Oton