Bangud sa baka, lalaki nga naga-motorsiklo, natumba sa Buhang, Jaro
ILOILO CITY — Natumba sa ginasakyan nga motorsiklo ang lalaki sang nabungguan ang baka sa Barangay Buhang, Jaro kagab-i
Nagatabok sa karsada ang baka sang nabungguan ni Jessie Bergarde, 37-anyos sang Badiangan, Iloilo.
Napilasan sa magtimbang nga kamot kag tiil ang biktima rason nga gindala sa ospital para sa nagakaigo nga pagbulong.
Nagpa-smoke test sang motorsiklo para sa renewal sang rehistro sa Banate ang biktima kag pauli na sa Badiangan sang nabungguan ang baka.
Wala naman sang pilas ang baka bangud mahinay lang ang pagkabunggo sang motorsiklo sang biktima.