Pulis nga driver sang motorsiklo, patay sang naaksidente sa Oton
ILOILO — Patay ang driver sang motorsiklo sang na-aksidente sa Barangay Botong, Oton, kaina sang aga.
Ginkilala ang pulis kay PSSg Benjamin Gomez nga na-assign sa Tigbauan Police Station.
Suno kay PSSg Rolly Sorongon sang Oton MPS, halin sa Dumangas sa iya asawa si Gomez.
Base sa imbestigasyon sang Oton police, nabungguan ni Gomez si Elna Delatori nga nagtabok sa karsada.
Wala gilayon nakita ni Gomez nga nagtabok si Delatori bangud may jeep nga nagapondo sa iya unahan.
Malikaw pa kuntani si Gomez, apang na alang-alang siya.
Si Delatori ang may pilas sa tiil, samtang may pilas sa ulo si Gomez rason sang iya kamatayon.
Suno naman kay PCPT Roy Castro, hepe sang Tigbauan Police Station, pakadto kuntani sa iya duty si Gomez sang na-aksidente. — via Aksyon Angel Mae Ciudad
