Transport group ICLAJODA, nagahulat sang go signal sang IATF kun pasugtan sila nga makabalik sa 100% capacity
ILOILO CITY –Wala pa sang go signal ang national Inter-Agency Task Force kun pasugtan na ang mga depasahero nga jeep sa syudad nga mag-cater sang 100% passenger capacity.
Suno kay Iloilo City Loop Alliance of Jeepney Operators and Drivers Association President Raymundo Parcon, matawag pa si LTFRB Regional Office 6 Director Richard Osmeña sa IATF kag Department of Health may kaangtanan diri.
“Hambal niya [Osmeña] sa aton, ma-contact siya subong nga adlaw sa IATF kag sa DOH kun pwede na makakas ang mga barriers naton para maka-100% kita,” suno kay Parcon.
Una na ginpabutyag ni Parcon nga dako nga bulig sa ila kun pasugtan ang 100% capacity sa mga PUJs agud may dugang nga kita ang mga drivers kag operators nga apektado sang pandemya kag sunod-sunod nga pagsaka sa presyo sang mga produktong petrolyo. –via Aksyon Hotline