6 ka mga areas sa siyudad, gintumod sang Iloilo city gov’t nga pwede mabaligyaan sang bulak antes ang piyesta minatay

ILOILO CITY – Anum ka areas sa Iloilo City ang gintumod sa diin pwede nga makabaligya sang bulak halin Oktubre 26 tubtob 31.

Base sa Executive Order No. 129, series of 2021 ni Mayor Jerry Treñas, pwede nga makabaligya sa Plazas sang Jaro, Arevalo, Molo, La Paz, Mandurriao, kag Aldeguer Street sa City Proper.

Agud makakuha sang special permit sa Business Permits and Licencing Division, kinahanglan nga mag-comply sang baranay clearance, community tax certificate, Special Services Division (SSD) Documentation, kag vaccine card sang applicant.

Pwede nga maka-apply halin Oktubre 21 tubtob 25. Pasugtan ang vendors nga magplastar sang ila baligya sa Oktubre 25 sang gab-i kag dapat mahimos ang lugar sa pagtakop sang baligya-anay.

Dapat man nga mag-obserbar gid sang minimum health protocols kag imentinar ang katinlo sang area.