November 27, 2021

Lalaki, patay sang gintiro sang iya kasilingan sa Sta. Barbara, Iloilo

Read Time:1 Minute, 27 Second

ILOILO — Patay ang 45-anyos nga lalaki sang gintiro sang iya kasilingan sa Barangay Bolong Oeste, Sta. Barbara subong nga aga.

Ginkilala ang napatay Felix Soquiño, 45-anyos, may pilas sa ulo kag sa nagkalain-lain nga parte sang iya lawas.

Nagpalagyo ang suspect nga ginkilala kay Rey Gabata, suno kay PMAJ Raymund Celoso, hepe sang Sta. Barbara Police.

Samtang, sa panaysayon ni Eije Ta-asan, nakakita sang natabo nga shooting incidente nga halin sa iya balay si Gabata.Naghambal si Gabata, suno kay Ta-asan nga ma-istoryahanay sila ni Soquiño, apang gilayon nga nagsulod sa iya balay ang suspek kag pagbalik niya may dala na siya nga pusil.

Gintiro niya sang makapila ka beses si Soquiño, mapalagyo pa kuntani ang biktima pero ginlagas pa gid ni Gabata kag gintiro sa ulo, suno kay Ta-asan.

May yara sang indi pag-intiendihanay sa tunga sang suspek kag sang biktima, suno sa hepe, bangud sa alagyan pero may impormasyon nga may iban pa sila nga away.

Ginpahayag man ni Punong Barangay Larry Deatras nga gin-istorya na niya sang nagliligad pa nga semana si Gabata kag Soquiña sa indi nila pag-intiendihanay bangud sa quarry site.

Na-settle naman, suno kay Deatras ang duha kag naghambal pa si Soquiño nga untatan na niya ang iya pag-quarry.

Na-recover sa lugar ang lima ka basiyo sang caliber .30, suno kay Lt. Colonel Hilarion Roga sang SOCO.

Nasalabat sa insidente si Leonisa Solas nga nagabusong.

Suno sa iya iloy nga si Jasmin Torega, nagapagguwa sa ila balay ang iya bata sang nakabati sang sunod-sunod nga lupok tubtob nabatyagan niya nga naigo siya.

Gilayon nga gindala sa ospital si Solas nga napilasan sa paa. — via Aksyon Angel Mae Ciudad

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Barangay council sang Buhang, Jaro, magadihon sang resolution agud multahan ang mga tag-iya sang mga baka nga ginapabay-an lang
Next post Lalaki, nasapwan nga patay sa irigasyon sa Pavia