November 27, 2021

Pila ka mga taxi operators, ginakonsiderar man ang pagpasaka sa ila nga flag down rate bangud sa pagsaka man sa presyo sang mga produktong petrolyo

Read Time:55 Second

ILOILO CITY — Ginakonsiderar sang pila ka mga taxi operators nga magpasaka man sa ila nga flag down rate bangud man sang pila na ka semana nga sunud-sunod nga pagsaka sa presyo sang produktong petrolyo.

Ginpahayag ini ni Atty. Joseph Vincent Go, operator sang Light of Glory taxi, base man sa iya pagpangusisa sa pila ka mga taxi operators sa Manila.

Ginpaathag niya nga ginalantaw pa lang nila ini nga posilidad bangud ginakabalak-an man sang mga operators nga mawad-an sila sang mga pasahero.

Ginpabutyag man ni Go nga wala pa siya nakasugilanon sa mga taxi operators sa siyudad kun may plano man sila nga magpasaka sang ila nga flag down rate.

Kun madayon suno sa iya, posible nga P10.00 ang ila nga idugang. Apang dulaon man ini kun matapos na ang energy crisis kag magbalik na sa normal ang presyo sang petroleum products.

Ginpaathag ni Go nga indi lang Pilipinas ang apektado sang energy crisis kundi pati man ang iban nga mga pungsod bangud sang grabe nga demand sang langis kasunod sang amat-amat na nga pagbalik sang ekonomiya.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Transport group ICLAJODA, nagahulat sang go signal sang IATF kun pasugtan sila nga makabalik sa 100% capacity
Next post 6 ka mga areas sa siyudad, gintumod sang Iloilo city gov’t nga pwede mabaligyaan sang bulak antes ang piyesta minatay