October 7, 2022

2 ka pulis nga napilasan ang ginpalukpan sang IED sang mga ginpahayag NPA members sa Tubungan, estable na ang kondisyon

Read Time:1 Minute, 6 Second

TUBUNGAN, ILOILO – Estable na ang kondisyon sang duha ka mga pulis nga napilasan matapos sila ginpalukpan sang hanging Improvised Explosive Device (IED) sang mga ginapatihan miembro sang NPA samtang naga-conduct sang hot pursuit operation ang mga katapo sang 1st Iloilo Provincial Mobile Force Company (IPMFC) kahapon sang hapon sa Brgy. Jolason.

Ginkilala ang duha ka mga pulis nga sanday Patrolman Jessie Castomado kag Cpl. Genel Simpas nga gilayon man nga nadala sa ospital kasunod sang insidente.

Sa impormasyon nga nakuha sang Aksyon Radyo Iloilo, una nga ginpalukpan detachment sang mga 1st IPMFC sa Brgy. Mayang, Tubungan kahapon sang aga kabangdanan nga nag-conduct sila sang hot pursuit operation sa boundary sang Brgy. Mayang kag Jolason.

Suno kay Police Lt. Alwin Salmon, hepe sang Tubungan Municipal Police Station, duha ka lupok sang IED ang nabatian sa lugar.

Naglawig pa sang pito ka minutos ang engkwentro sang kapulisan kag sang mga ginpahayag NPA members.

Nagresponde man sa lugar ang mga katapo sang Tubungan Police upod sa Iloilo Provincial Mobile Fore Company nga nakabase sa Tigbauan, Iloilo.

Na-recover sa lugar nga ginluntaran sang insidente ang mga wiring, gallon sang tubig, kag trapal.

Pila pa lang ka bulan detachment sang 1st IPMFC sa Brgy. Mayang suno pa kay Lt. Salmon.

Nagapadayon pa ang imbestigasyon sang kapulisan sa natabo. — via Aksyon Kikik Enar

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Pila ka mga pantyon sa patyo sa Ambolong, Batan, Aklan, nagkalaguba bangud sa landslide kasunod sang sige-sige nga pag-ulan
Next post Insidente sang pag-siphon sang gasolina kag pagkawat sang accessories sa pila ka naka-park nga salakyan sa Iloilo City, ginabanta na sa walo tubtob siyam suno sa ICPO director