Iloilo City government, maga-file sang kaso batok sa LTO6 Assistant to the Regional Director nga naglapas sa traffic rules

ILOILO CITY — Dapat magpatuman sang nagakaigo nga disciplinary sanctions ang Regional Director sang LTO6 sa iya assistant.

Suno kay Mayor Jerry Treñas, ginapakamalaut niya ang mga opisyal sang gobyerno nga wala nagasunod sa traffic signs, ilabe na ang mga nagatrabaho sa LTO nga amo ang naga-implementar sang mga traffic laws.

Ginpahayag sang alkalde nga mapasaka sang kaso ang Iloilo City Government agud maprotektahan ang integridad sang Public Safety and Transportation Management Office (PSTMO).

Sang Oktubre 25, nagpahayag ang mga traffic enforcers sa El-98-Cuartero, Jaro area nga ginhungod ni Engr. Arturo Apolinar, Director 1 sa LTO 6 nga na-assign sa opisina ni LTO6 Director Eric Tabaldo, ang pag-disregard sa traffic lights agud sundon siya pakadto sa iya opisina.

Wala nagbayad si Apolinar rason nga nagpa-blotter ang PSTMO. Sa statement sang PSTMO, ini ang ikaapat na ka beses nga nag-disregard sang traffic lights si Apolinar.