November 27, 2021

LTO6 Director I, Engr. Arturo Apolinar, gin-relieve sa pwesto kasunod sang iya paglapas sa traffic rules

Read Time:46 Second

ILOILO CITY — Nag-issue sang officer order si Land Transportation Office (LTO) Chief Edgar Galvante nga naga-relieve kay LTO 6 Director I, Engr. Arturo Apolinar.

Kasunod ini sang ginpalab-ut nga reklamo ni Iloilo City Mayor Jerry Treñas kay Department of Transportation Secretary Arthur Tugade may kaangtanan sa aktuwasyon ni Apolinar sang wala nagdulog sang gin-flag down sang mga personnel sang PSTMO matapos nga nag-disregard sang traffic sign sa El-98-Cuartero, Jaro.

Sa baylo nga magdulog, ginpasunod ni Engr. Apolinar ang mga traffic aides sa iya opisina kag ginhambalan suno sa isa sa mga enforcers nga naglagas.

Una na na-interview sang Aksyon Radyo si Apolinar nga nagapanginwala nga may ginlapas siya nga traffic rules. Wala na nagasabat sa iya cellphone si Apolinar sang liwat nga gintawgan sang news team agud makuhaan sang dugang nga pahayag.

Nagapasalamat naman si Mayor Treñas sa madasig nga aksyon sang LTO kag DOTr.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post 17-anyos nga lalaki nga nadisgrasya sang nag-back flip sa Esplanade extension sa Diversion Road, Mandurriao, na-comatose sa ospital
Next post Bangkay sang babaye, nasapwan sa abandonado nga salakyan sa Sta. Barbara, Iloilo