13-anyos nga solterito nga ginpasuni nagpanginmatay sa Jordan, Guimaras, napatay bangud ginlampusan sa ulo base sa autopsy result sa iya bangkay

JORDAN, GUIMARAS – Napatay bangud sang lampos sa ulo ang 13-anyos nga solterito nga una ginpasuni nagpanginmatay, kag nasapwan sang Oktubre 26 sa Brgy. San Miguel.

Base ini sa autopsy result sa bangkay sang solterito. Suno kay Maj. Kenneth Bermejo, hepe sang Jordan Police Station, may tatlo na sila ka mga persons of interest nga ginasundan nga posible nagpatay sa menor-de-edad.

Isa sa ginalantaw nga motibo sang police ang away sa duta. Posible nga nasabaran ang suspetsado sa kasapatan nga ginasagod sang pamilya sang biktima.

Mahimo nga nagatalikod ang solterito sang ginlampusan sang matig-a nga bagay sa ulo kag napatay.

Ginpagguwa lang sang suspetsado nga naghikog ang biktima paagi sa pagbitay sa iya sa puno sang itang-itang.