17-anyos nga solterito nga nadisgrasya sang nag-backflip sa Esplanade extension sa Diversion Road, Mandurriao, napatay sa ospital; Pamilya, nagapangayo sang bulig para mabayaran ang hospital bill kag pagpalubong sa menor-de-edad

ILOILO CITY — Napatay sa ospital ang 17-anyos nga si alyas Marko nga nadisgrasya sang nag-back flip sa Esplanade extension sa Diversion Road, Mandurriao sang Oktubre 26.

Ini ang ginkumpirmar sang iya amay nga si Renante.Suno kay Renante, na-operahan ang iya bata sa Western Visayas Medical Center pero napatay pila ka oras pagkatapos sang iya operasyon.

Ginpahayag sang amay nga nag-clot ang dugo sa utok sang iya bata.

Nagapangayo naman sang bulig ang pamilya para mabayaran ang ila hospital bill kag pagpalubong kay Marko.Suno kay Nick, abyan sang pamilya, nagalab-ut sa P34,000 ang balayran sang pamilya sa ospital. l via Aksyon Night Patrol