Iloilo City Councilor Alan Zaldivar, pabor sa non-mandatory nga pagsuksok sang face shield bangud mataas na ang vaccination rate sang siyudad vs COVID-19
ILOILO CITY – Makonsulta si Iloilo City Councilor Alan Zaldivar, chairman sang Committee on Health sa City Council sa mga medical experts may kaangtanan sa indi na pag-i-mandatory ang pagsuksok sang face shield sa siyudad.
Suno kay Zaldivar, pabor siya sa non-mandatory nga pagsuksok sang face shield bangud “right now the Iloilo City is reaching almost 80% sang vaccination rates naton.
We are increasing and more Ilonggos – subjected themselves for the vaccination [against COVID-19].”
Lakip sa iya ikonsulta kun ano ka-importante gid ang pagsuksok sang face shield kag ang ipatuman nga guidelines kun indi na pag-irequire ang pagsuksok sini sa siyudad.
Kun amendaran gid man suno sa iya ang Face Shield Ordinance, may guidelines diri nga ipatuman kag dapat sundon.
Nagpahanumdom man ang konsehal nga padayunon gihapon ang pag-obserbar sa minimum health protocols sa tiun nga non-mandatory na ang pagsuksok sang face shield.
Una na ginpahayag ni Councilor Ely Estante, author nasambit nga ordinansa nga mahibaluan sa ila session buwas, Nobyembre 9 ang mangin desisyon sa ginaduso ni Mayor Jerry Treñas nga indi na pag-i-mandatory ang pagsuksok sang face shield sa siyudad. — via Aksyon Firingline