October 7, 2022

Special investigation team sang IPPO, nagbuyagyag nga indi lang isa ka kaso ang iga-file batok sa mga suspetsado sa pagpatay kay Claire Diergos

Read Time:51 Second

ILOILO — “Ari na may gina-prepare na nga kaso.”

Ini ang pahayag ni Police Senior Master Sergeant Francisco Lindero, designated spokesperson sang Special Investigation Team sang Iloilo Police Provincial Office sa kaso ni Claire Diergos.

Indi pa gid mahambal, suno kay Lindero kun san-o i-file, pero ginapreparar na kag ginapasigurado nga mahatagan sang hustisya ang kamatayon ni Diergos.

Ginahulat na lang gid suno sa iya ang resulta sang mga scientific tests nga makabulig sang dako sa kaso.

Ang iban sa mga scientific tests ang ginpadala sa Manila kag may yara man sa local.

Ginklaro man ni Lindero nga ang dashcam, kabahin lang sang “critical source” nga makabulig sa ila imbestigasyon.

Nagpangabay naman sang paghangop si Lindero sa publiko nga indi pa gid nila tanan mapagguwa ang mga impormasyon pero mapasalig nila nga ginahimo ang tanan para mapasakaan sang kaso ang mga suspetsado.

Gin-athag man niya nga naka-intiende sang proseso ang pamilya Diergos bangud naga-attend sila sa mga meetings sang SIT. — via Aksyon Angel Mae Ciudad

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
0 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Iloilo City Councilor Alan Zaldivar, pabor sa non-mandatory nga pagsuksok sang face shield bangud mataas na ang vaccination rate sang siyudad vs COVID-19
Next post Hinablos patay, tiyo pilason sang naglab-anay kag nagbun-anay sa Balasan