Paggamit sang face shields sa probinsya sang Iloilo, voluntary na lang — Iloilo Gov. Arthur Defensor Jr
ILOILO – Boluntaryo na lang ang paggamit sang face shields sa probinsiya sang Iloilo kasunod nga ginpalawig ang COVID-19 Alert Level 2 tubtob sa Nobyembre 30.
Base sa Executive Order 646-B, series of 2021 ni Iloilo Governor Arthur Defensor Jr., pagsunod ini sa memorandum nga ginpaguwa ni Executive Secretary Salvador Medialdea nga gin-aprubahan ni Presidente Rodrigo Duterte ang rekomendasyon sang Inter-Agency Task Force nga boluntaryo na lang ang paggamit sang face shields sa mga lugar nga napaidalum sa Alert Level 2.
Wala naman gina-require ang paggamit sini sa mga public utility jeepneys (PUJs) sa probinsiya pero dapat gid nga mag-obserbar sang minimum health protocols.