December 4, 2021

Duha ka lalaki nga nagguwa sa cartographic sketch nga gina-uyatan sang SIT, kabahin sang mga persons of interest sa pagpatay kay Claire Diergos

Read Time:1 Minute, 41 Second

ILOILO – Duha ka lalaki ang nagguwa sa cartographic sketch nga gina-uyatan sang Special Investigation Team, nga nagapanguna sa pag-imbestigar sa pagpatay kay Claire Diergos.

Suno kay S.I.T Spokesperson Police Senior Master Sergeant Francisco Lindero Jr., ginhimo ang cartographic sketch halin sa mga impormasyon nga ginhatag sang ila resource person sa mga indibidwal nga nakita nga “suspiciously acting” sa diin gin-abandonar ang salakyan ni Diergos.

Interesado ang S.I.T, suno sa iya, nga mahibaluan kun ngaa nakita ang mga indibidwal sa lugar kag ginpahayag sang pila ka resource person nga makaduluda ang ila hulag pareho sang pagkuha nila sang litrato sa salakyan ni Diergos kag pila ka beses nga nagkadto sa lugar.

“Ini’ng duha ka persona nga nangin subject sang aton cartographic sketch, nakit-an ini sang aton resource persons nga nagabalik-balik sa area, nagakuha sang pictures and these actuations nila, daku ang pamangkot sini sang Special Investigation Team tungod daw unusual kay wala pa at that time na-discover ang lawas ni Claire and yet amo na ila gina-ubra — gabalik-balik, gapundo near the car kag nagakuha sang pictures,” suno pa kay Lindero.

Oktubre 26 sang hapon sang nasapwan ang bangkay ni Diergos sa sulod sang iya salakyan sa Inangayan, Sta. Barbara pero antes sini, nakita ang mga indibidwal nga nagaguwa sa cartographic sketch sang aga sa lugar.

Ginpaathag ni Lindero nga paagi sa cartographic sketch, mapakig-angutan ang mga indibidwal agud ma-imbestigaran kun ano ang ila relasyon kag kun may nahibaluan sila sa pagkamatay ni Diergos.

Antes pa nagguwa ang cartographic sketch, kabahin na ang duha sa mga persons of interest sang S.I.T sa pagpatay kay Diergos. Subong nga semana may meeting ang sub-teams sang S.I.T agud maplastar ang kaundan sang imbestigasyon.

Natalana nga i-review sang legal officer sang S.I.T ang ginapreparar nga kaso kag nagalaum man sila nga mabuligan sang gin-imbitar nga prosecutor agud ma-check kun pwede na nga madiga sa korte ang kaso.

Happy
Happy
0 %
Sad
Sad
0 %
Excited
Excited
0 %
Sleepy
Sleepy
0 %
Angry
Angry
100 %
Surprise
Surprise
0 %

Average Rating

5 Star
0%
4 Star
0%
3 Star
0%
2 Star
0%
1 Star
0%

Leave a Reply

Previous post Pila ka business establishments sa Smallville Complex sa Mandurriao, nagbukas na
Next post PULSO PULITIKA | Davao City Mayor Sara Duterte, bag-o nga chairperson sang Lakas CMD